انا هبص عليهم من خرم الباب مع تحيات ادارة الدردشه
انا كنت عايزة اكتب الموضوع دة بس مكنتش عارفة ابداه ازاى بس ببساطة
لو انتى بطلتى تبصى على ظاهر الاشياء وشوفتى الحاجة من خرم الباب لان الابواب المغلقة وراها اسرار كتيرة احنا مش شايفنها
دى بعض الاراء والحقيقة
شوفوا يا بختها رايحة تتفسح مع جوزها وعيالها
الحقيقة (رايحة تودع امها وابوها لانها هتعمل عملية خطيرة بكرة الصبح)
شوفوا يا بختها جوزها بيعاملها احسن معاملة وبيخاف عليها
الحقيقة (بيعاملها كدة قدام الناس بس فى البيت اللهم احفظنا ضرب وشتيمة واهانة وحلف بالطلاق)
يا بختها اتخطبت قبل بنات العيلة كلهالعريس غنى جدااا
الحقيقة (مضطرة توافق على العريس الى مش قبلاه دة عشان ابوها مش قادر على مصاريفهم )
يا بختها جوزها رايح معاها للدكتور وبيهتم بيهاوهى حامل
الحقيقة( البيبى ميت فى بطنها ولازم تروح علالمستشفى دلوقتى)
يا بختها معندهاش ولا عيل ولا تيل وعايشة حياتها هى وجوزها
الحقيقة (كل يوم اهله واهلها ينكدوا عليهم عشان البيبى ومن ساعة ما اتجوزت وهى فى عمليات )
شوفوا جوزها مرتاح ماديا ومريحها ومش مخليها عايزة حاجة
الحقيقة جوزها بتاع ستات وكل يوم مع واحدة وبيرجع سكران
ايه دة الست دى هو مفيش غير البلوفر القديم دة تلبسوا دة شكلوا رجالى وقديم اوى اصلها جلدة وبخيلة
الحقيقة (دة بلوفر ابوها الله يرحمه وريحته فيه وتحب تلبسه )
شوفوا الراجل الاهبل دة لابس ساعة عليها باربى بتاعة بنات
الحقيقة (دى ساعة بنته المتوفية )
شوفوا الست دى عندها اربع ولاد زى الفل وبيصرفوا عليها
الحقيقة (بياخدوا الى وراها والى قدامها)
شوفوا الست دى جوزها راجل شقيان وبيكافح وبيحب بيته وعياله وبيقف جمبها
الحقيقة هى الى بتصرف عالبيت وعليه
شوفتوا فلانة اطلقت جوزها طردها من البيت احسن ماهى تستاهل
الحقيقة (هى الى طلبت الطلاق لانه شارب للخمر وللحشيش )
شوفتوا الست دى معاها بنات دى مرتاحة البنت حلوة وتقدرى عليها
الحقيقة (بتروح كل 3 ايام تنقلهم دم وعندهم مرض ما له علاج )
شفتوا الست دى كل سنة تجيب عيل زى الارنبة
الحقيقة (جوزها حالف عليها بالطلاق ما تستخدمش وسيلة)
شوفوا الست دى خياطة بتكسب دهب
الحقيقة (بتصرف على تصليح المكنة اكتر من الى بتجيبه )
شوفوا معاها عربية وشقة فى احسن حتة
الحقيقة (ليها جار بلطجى ومربى عنده كلاب متوحشة ومش عارفة تبيع شقتها )
يا بختها نازلة تجيب لبس لبنتها
الحقيقة( بنتها مريضة وايامها فى
الدنيا قليلة)
الخ
الخ
الخ
لو قعدت اضرب امثلة مش هنخلص بس حبيت اوريكم الناس شايفة ايه والحقيقة بتكون حاجة تانية
وكفاية اوى ننشغل بانفسنا ونقول
الحمد لله
الحمد لله الحمد لله
لو عجبكم الموضوع قيموا
وادعولى بالشفاء